بافڵ جەلال تاڵەبانی: چاوەڕوانی خەمساردی حکومەت ناکەین

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بافڵ جەلال تاڵەبانی، سەرۆكی یەكێتیی نیشتمانیی كوردستان لە بارەگای مەكتەبی سیاسی لەگەڵ سكرتاریەتی كۆمەڵەی پێشمەرگە كەمئەندامبووەكانی سەنگەر كۆبووەوە.

لە كۆبوونەوەیەكەدا كە شاڵاو عەلی عەسكەری، كارگێڕی مەكتەبی سیاسی و بورهان سەعید سۆفی، لێپرسراوی مەكتەبی شەهیدان و عەبدوڵا كانی بەردی، لێپرسراوی بۆردی تێكۆشەران ئامادەبوون، گفتوگۆ لەبارەی ئەرك و كاری رێكخراوەیی و داواكاریی پێشمەرگە كەمئەندامبووەكانی سەنگەر كرا و فواد عەبابەكر، سەرۆكی كۆمەڵەی پێشمەرگە كەمئەندامبووەكانی سەنگەر خواست و داواكارییەكانی كۆمەڵەكەی روونكردەوە.

لە درێژەی كۆبوونەوەكەدا بافڵ جەلال تاڵەبانی ستایشی تێكۆشانی بێوچان و قوربانیدانی كۆمەڵەكەی كرد لەمێژووی خەباتی گەلەكەمان و وتی، ئێوە بە خوێن بەرگریتان لە خاك و خەڵكی كوردستان كرد، بە ئەندازەی گەورەیی قوربانیدانەكانتان سوپاس و پێزانینتان ئاڕاستە دەكەم. ئێوە حەقێكی گەورەتان بەسەر یەكێتی و گەلەكەمانەوە هەیە و دەبێت خزمەت و وەفاداریمان لە ئاست بەخشینەكانتان بێت، وەك مام دەیفەرموو “ئێوە شەهیدی زیندوون“

سەبارەت بە داواكاری و پێداویستییەكانیشیان بافڵ جەلال تاڵەبانی بەڵێنیدا هەموو هەوڵێك لەوپێناوەدا بدەن و درێغی نەكەن.

راشیگەیاند، شانازییەكی گەورەیە بۆ من لەخزمەت ئێوەدابم و كار بۆ بەدیهێنانی مافەكانتان بكەم. بەداخەوە تاوەكو ئێستا حكومەت و لایەنە پەیوەندیدارەكان وەك پێویست وەڵامدەرەوەی خواستەكانتان نەبوون، بۆیە جگە لەوەی لە ڕێگەی نوێنەرەكانمانەوە لە پەرلەمانی كوردستان و عیراق دەبینە پارێزەری بەدیهێنانی مافەكانتان، وەك یەكێتیش چاوەڕێی خەمساردیی حكومەت ناكەین و بە چەند قۆناغێك داواكارییەكانتان جێبەجێ دەكەین و لە خزمەت ئێوەی شەهیدی زیندوودا دەبین.

قەیوان گروپ

 


مایۆرکا سیتی جوانییەک لە دڵی سروشتدا