جارێكی دیكە بەهای دینار بەرامبەر دۆلار دابەزی

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەهۆی ڕاگرتنی خستنەڕووی دۆلار بەشێوەی حەواڵە لەلایەن بانكی ناوەندیی عێراق و خستنەڕووی بڕێكی كەمی دۆلار بۆ ئەمڕۆ، بەهای دینار بەرامبەر دۆلار دابەزی.

ئەمڕۆ لە كاتی كردنەوەی بازاڕی ئاڵوگۆڕی دراو لە هەرێمی كوردستان و عێراق، 100 دۆلار بە 156 هەزار دینار مامەڵەی پێوەكرا و بانكی ناوەندی عێراقیش رایگەیاندووە، خستنەرووی دۆلاری بەشێوەی حەواڵە بۆ ئەمڕۆ ڕاگرتووە، ئەوەش پەیوەندی بەو ڕێوشوێنە كارگێڕی و تەكنیكیانەوە هەیە كە دەیەوێت ئەو دۆلارەی لە عێراقدا هەیە وڵاتانی ناوچەكە سودی لێ وەرنەگرن.

ئاشكراشیكردووە، ئەمڕۆ تەنها 43 ملیۆن و 500 هەزار دۆلار بەشێوەی كاش دەخاتەڕوو، ئەوەش كەمترین بڕە لە ماوەی چەند ساڵی رابردوودا بانكی ناوەندی خستوویەتییەڕوو.

بەو هۆكارانەش پێدەچێت ئەمڕۆ بەهای دیناری عێراقی بەرامبەر بە دۆلاری ئەمریكی زیاتر داببەزێت.