پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی بەرگری شارستانی عێراق ئاماری ئاگركەوتنەوەی لە شارەكانی عێراق، جگە لە هەرێمی كوردستان بڵاوكردەوە و بەغدا زۆرترین و كەركوك كەمترین روداوی ئاگركەوتنەوە تیایاندا رویداوە.
بەڕێوەبەرایەتی بەرگری شارستانی عێراق بڵاویكردەوە، لە ماوەی ساڵی 2022 دا، 32 هەزار و 477 روداوی ئاگركەوتنەوە لە سەرجەم شارەكانی عێراقدا روویاندواە، جگە لە شارەكانی هەرێمی كوردستان.
ئاماژەی بەوەشكرد، روداوەكانی لە باڵەخانە حكومی و بازرگانییەكان و كارگە و كۆگا و خانوی نیشتەجێبوونی هاوڵاتیان، زەویە كشتوكاڵییەكان و كێڵگە و پێشانگاكانی ئۆتۆمبێل رویانداوە.
راشیگەیاندووە: زۆرترین روداوی ئاگركەوتنەوە بەهۆی شۆرتی كارەباوە بووە كە رێژەكەی دەگاتە 13 هەزار و 297 روداو، پێنج هەزار و 589 روداویان بەهۆی دەستكاریكردنی منداڵان و 1362 روداویشیان بەهۆی جگەرەوە بووە.
بەرگری شارستانی عێراق باسی لەوەشكرد، 1280 روداویان بە دەستی ئەنقەست بووە و 774 روداو بەهۆی دزەكردنی غاز و 25 روداویش بەهۆی خۆسوتاندنەوە بووە.
قەیوان گروپ
مایۆرکا سیتی جوانییەک لە دڵی سروشتدا
