سودانی لێکۆڵینەوە لە فرۆشگا بازرگانییەکانی بەغدا دەکات

پۆڵەتیک پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

محەمەد شیاع سودانی، سەرۆک وەزیرانی عێراق داوا دەکات لێکۆڵینەوە لەو فرۆشگا بازرگانییانەی بەغدا بکرێت کە ناوی براندە جیهانییەکانیان هەڵگرتووە و مۆڵەتیان نییە.

لەوبارەیەوە یەحیا ڕەسول، وتەبێژی فەرماندەی هێزە چەکدارەکانی عێراق ڕایگەیاند، لەدوای گەڕانی هێزە ئەمنییەکان دەرکەوت ژمارەیەک فرۆشگای بازرگانی هەن لەژێر ناوی ساختەدا کاردەکەن و ڕێکاری یاساییان بەرامبەر گیراوەتەبەر.

وتیشی: دەبێت هەموو وەبەرهێنە ناوخۆییەکان مۆڵەتی ڕاستەقینەیان پێبێت و لەلایەن خاوەن کۆمپانیا و براندە جیهانییەکانیەوە پێیان بەخشراێت.

باسی لەوەش کرد، ئەم کارانە زیان بە وەبەرهێنانی بیانی دەگەیەنێت و زیان بە ناوبانگی عێراق و توانای سەرنجڕاکێشانی کۆمپانیا و دامەزراوە گەورە و بەناوبانگە جیهانییەکان دەگەیەنێت.