شەقامێکی گرنگی شاری سلێمانی دادەخرێت

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەهۆی ئاهەنگەکانی سەری ساڵەوە سەرجەم ئەو شەقامە لاوەکییانەی دێنەسەر شەقامی سالم دادەخرێن.

ئەمڕۆ دووشەممە بەڕێوەبەرایەتیی هاتووچۆی پارێزگای سلێمانی شۆفێران ڕایگەیاند، لە رۆژانی 29 و 30ی کانوونی یەکەمی 2022 سەرجەم ئەو شەقامە لاوەکییانەی دێنە سەر شەقامی سالم دادەخرێن.

وتیشی، لە رۆژی 30ی کانوونی یەکەمیش کاتژمێر 01:00ی پاشنیوەڕۆ شەقامەکە لە پردی خەسرەوخاڵەوە بۆ بەردەم باخی گشتی بەربەست دەکرێت بەڕووی شۆفێراندا.

بەپێی راگەیێندراوی هاتووچۆی سلێمانی، داخستنی شەقامەکە تاوەکو رۆژی 01-01-2023 و کۆتایی هاتنی ئاهەنگەکانی سەری ساڵ دەبێت.

‎هاوکات، بڕیارەکە لەلایەن لیژنەی ئەمنیی شاری سلێمانییەوە جێبەجێ دەکرێت و سەرجەم هێزە ئەمنییەکان لە ئەرکدا دەبن لەپێناو پاراستنی گیانی هاوڵاتییان لەو شەوەدا.