پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
هەپەگە ڕایگەیاند، لە چالاكییەكانی گەریلاكاندا لە ناوچەی چەمچۆی سەر بە زاپ، سێ سەربازی توركیا كوژراون و گورز لە خێمەیەكی سەربازیش دراوە.
ناوەندی ڕاگەیاندن و چاپەمەنیی هێزەكانی پاراستنی گەل (هەپەگە) رۆژی یەك شەممە 25_12_2022 ڕاگەیەندراوێكی لەبارەی چالاكییەكانی گەریلاكانی ئازادیی كوردستان دژی سوپای توركیا لە ناوچەی زاپی باشووری كوردستان بڵاوكردەوە، كە دوێنێ و ئەمڕۆ ئەنجامیانداوە.
هەپەگە ڕایگەیاندووە، لەو چالاكییانەدا سێ سەربازی توركیا كوژراون و گورز لە خێمەیەكی سەربازیش وەشێندراوە.
ئاماژەی بەوەشكردووە، سوپای توركیا 10 جار بە چەكی كیمیایی سەنگەرەكانی گەریلای بۆردوومان كردووە، هەروەها تایەی ئۆتۆمبێل و كەرەستەی پلاستیكی سووتاندووە و دوكەڵی ژەهراویی خستووەتە ناو تونێلەكانی گەریلاوە.
ئەوەشی خستووەتەڕوو، كە سوپای توركیا چوار جار بە فڕۆكەی جەنگیی و چەندین جاریش بە تۆپ و هاوەن و تانك و چەكی قورس سەنگەرەكانی گەریلای بۆردوومان و تۆپباران كردووە.