پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی سامانە سروشتییەکانی حکومەتی هەرێمی کوردستان ڕایگەیاند، تا 19ی کانوونی یەکەمی 2022، 184 هەزار و 347 خێزان لە پرۆسەی دابەشکردنی نەوت سوودمەندبوون.
ئەمڕۆ چوارشەممە فەرمانگەی میدیا و زانیاری حکومەتی هەرێم ڕایگەیاند، وەزارەتی سامانە سرووشتییەکانی حکومەتی هەرێمی کوردستان تاوەکو 19ی کانوونی یەکەم، 36 ملیۆن و 869 هەزار و 400 لیتر نەوتی سپی لە سەرانسەری هەرێمی کوردستان، دابەشکردووە.
ئەوەشی خستەڕوو، پێی دوایین ئاماری وەبەرهێنانی کانزایی وەزارەتی سامانە سرووشتییەکان، تاوەکو 19ی کانوونی یەکەمی ئەمساڵ، 184 هەزار و 347 خێزان لە پرۆسەی دابەشکردنی نەوتی سپی سوودمەندبوون و پرۆسەکەش لە ناوچە شاخاوییەکان بەردەوام دەبێت.
ئاشکراشی کرد، حکومەتی هەرێمی کوردستان، بڕی 70 ملیار دینار بۆ کڕینی نەوتی سپی تەرخانکردووە و بەشێوەی تەندەر 320 هەزار بەرمیلی بە نرخی 284 هەزار دینار بۆ هەر بەرمیلێک دابینکردووە. هەروەها پاڵپشتیی حکومەت بۆ نرخی هەر بەرمیلێک دەگاتە %65 و هاوڵاتیان تەنیا لە %35 نرخەکەی دەدەن.
قەیوان گروپ
مایۆرکا سیتی جوانییەک لە دڵی سروشتدا
