پۆڵەتیک پرێس
تەندروستبوونی ڕیخۆڵەکان زۆر گرنگە، چونکە کاریگەرییەکی زۆری لەسەر تەواوی تەندروستی جەتە، سیستمی بەرگری، تەندروستی دڵ و مێشک، میزاج و نوستن هەیە، لەگەڵ ئەوەشدا کارکردنی کرداری هەرس و ڕیخۆڵەکان بەشێوەیەکی باش ڕێگری لە هەندێک نەخۆشی و جۆری شێرپەنجە دەکەن.
چەندین هۆکاری جیاواز بۆ ناتەندروستبوون و كێشەکانی ڕیخۆڵە هەن کە کاریگەری نەرێنی لەسەر جەستە دروستدەکات، بەپێی ماڵپەڕی”onegreenplanet” ئەم نیشانانە ئاماژەن بۆ ناتەندروستی ڕیخۆڵەکان:
-لەوانەیە کێشەکانی گەدە وەک غازات، قەبزی، ئازاری سک، سکچوون و برینی گەدە بەشێوەیەکی بەردەوام نیشانەبن بۆ ناتەندروستی ڕیخۆڵەکان.
-هەستکردن بە ماندوێتی بەردەوام یەکێکی دیکەیە لە نیشانەکان، چونکە ناتەندروستی کرداری هەرس و ڕیخۆڵەکان کاریگەری لەسەر نوستن هەیە و دەبێتە هۆی کەمخەوی کە هۆکارێکی سەرەکی ماندوێتیە.
-زیادبوونی خواستی خواردنی شەکر یان شیرینەکان بە بەردەوامی لەوانەیە نیشانەکانی دیکە بێت، چونکە زۆربەی کات ڕیخۆڵەی ناتەندروست هۆکارێکە بۆ زیادبوونی خواستی خواردنی شەکر، خواردنە چەور و خێراکان، زۆر بەکارهێنانی شەکریش دەبێتە هۆی زیادبوونی بەکتریا زیانبەخشەکانی ڕیخۆڵە.
-نەخۆشیەکانی پێست وەک ئەکزیما لەوانەیە پەیوەندی بە ناتەندروستی ڕیخۆڵەکانەوە هەبێت کە لەکۆتایدا دەبێتە هۆی سووربوونەوە و خورانی.
-گۆڕانکاری زۆر لە کێشدا بەبێ گۆڕینی سیستمی خۆراکی یەکێکی دیکەیە لە نیشانەکان.
-توێژینەوەیەک دەریخستووە ئەو کەسانەی بەردەوام بەدەست سەرئێشەی نیوەییەوە دەناڵێنن مەترسی توشبوونیان بە کێشەکانی کرداری هەرس زیاترە، بۆیە لەوانەیە نیشانەیەک بێت بۆ ناتەندروستی ڕیخۆڵە و کرداری هەرس.