بەهای دۆلار بەرامبەر دینار تاڕادەیەک دابەزی

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ شەممە بەهای دۆلار لە بازاڕەکانی سلێمانی تاڕادەیەک دابەزینی تۆمارکرد.

لەوبارەیەوە شوان هادی، فرۆشیاری دراو لە سلێمانی بە پۆڵەتیک پرێسی ڕاگەیاند، ئەمڕۆ 100 دۆلار بەرامبەر بە 151 هەزار و 500 دینار مامەڵەی پێوەدەکرێت.

لەماوەی چەند ڕۆژی ڕابردوودا بەهای دیناری عێراقی بەرامبەر بە دۆلاری ئەمریکی بەشێوەیەکی بەرچاو دابەزی و بەهای 100 دۆلار گەیشتە سەروو 152 هەزار دینار.

یەکێک لە هۆکارەکانی دابەزینی بەهای دینار دەگەڕێتەوە بۆ ئەوەی بانکی ناوەندیی عێراق کەمتر لە جاران دۆلاری خستووەتە بازاڕەکانەوە.