پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆكوەزیرانی هەرێمی كوردستان بەبۆنەی گیانلەدەستدانی ئاكام عومەر، فەرماندەی هێزەكانی كۆماندۆ پرسە و سەرەخۆشی ئاراستەی كەسوكارەكەی دەكات.
رۆژی سێشەممە 13-12-2022، حكومەتی هەرێمی كوردستان لە راگەیەندراوێكدا بڵاویكردەوە، پشتیوان سادق، وەزیری ئەوقاف و كاروباری ئایینی هەرێمی كوردستان لە شاری هەولێر سەردانی كەسوكاری ئاكام عومەری كرد.
وەك لە راگەیەندراوەكەدا هاتووە، وەزیری ئەوقاف بەناوی مەسرور بارزانی، سەرۆكوەزیرانی هەرێمی كوردستانەوە پرسە و سەرەخۆشی لێكردون و هاوخەمی گەیاندە كەسوكار و بنەماڵەكەیان.
لە وتەیەكدا پشتیوان سادق وتی، سەرۆكوەزیرانی هەرێمی كوردستان هاوسۆز و خەمبارە بەم رووداوەی كە بووە هۆی برینداربوون و شەهید بوونی خوالێخۆشبێت ئاكام عومەر.
لە راگەیەندراوەكەدا ئەوەش هاتووە، وەزیری ئەوقاف داوای لە خوای گەورە كرد كە جێگەی شەهید بەهەشت بێت و دڵنەوایی و ئارامییش بە بنەماڵە و كەسوكار و هاوڕێیانی ببەخشێت.