بافڵ جەلال تاڵەبانی: عەمید عەبدوڵا ئەفسەرێكی دڵسۆز و سەر ڕاست بوو لە راپەڕاندنی كارەكانی

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بافڵ جەلال تاڵەبانی، سەرۆكی یەكێتیی نیشتمانیی كوردستان پرسەنامەیەك ئاراستەی بنەماڵەی عەمید عەبدوڵا دەكات و رایگەیاند، عەمید عەبدوڵا ئەفسەرێكی دڵسۆز و سەر ڕاست بوو لە راپەڕاندنی كارەكانی و بە ئەوپەڕی لێهاتووییەوە ئەركەكانی جێبەجێدەكرد.

دەقی پرسەنامەكە

بەڕێزان كەسوكار و بنەماڵەی سەربەرز و تێكۆشەری كاك عەمید عەبدوڵا محەمەد

‎بەخەمێكی قووڵەوە هەواڵی كۆچی دوایی پێشمەرگەی دڵسۆز و بەوەفا عەمید (عەبدوڵا محەمەد) لێپرسراوی بەشی راگەیاندن و پەیوەندییەكانی بەڕێوەبەرایەتی گشتیی پێشمەرگەی بەرگری و فریاكەوتنم پێگەیشت.

‎بۆ ئەم خەمە گەورەیە پرسە و هاوخەمی قووڵی خۆم ئاڕاستەی ئێوە و هاوسەنگەرانی دەكەم.

‎عەمید عەبدوڵا ئەفسەرێكی دڵسۆز و سەر ڕاست بوو لە راپەڕاندنی كارەكانی و بە ئەوپەڕی لێهاتووییەوە ئەركەكانی جێبەجێدەكرد.

‎لەخوای گەورە داواكارین بەبەهەشتی بەرینی شاد بكات و سەبووری و ئارامی بەهەموولایەك ببەخشێت.

‎دڵسۆزتان

‎بافڵ جەلال تاڵەبانی

پەخشی راستەوخۆی رادیۆ پۆلەتیک