پێنج خواردن یارمەتی دروستبوونی ماسولکەکان دەدەن

پۆڵەتیک پرێس

دروستبوونی ماسولکەکان پێویستی بە وەرزشی تایبەت هەیە لەژێر ڕێنمایی پسپۆڕ لەبواری وەرزش، لەگەڵ ئەوەشدا خواردنەکان ڕۆڵی زۆریان لە دروستبوونیدا هەیە.

پێنج خواردن یارمەتی دروستبوونی ماسولکەکان دەدەن:

-ماسی سەلەمون
بەیەکێک لە خواردنە گرنگەکان بۆ دروستبوونی ماسولکەکان دادەنرێت، ڕێژەیەکی زۆر ئۆمێگا3ی تێدایە و پارێزگاری لە سیستمی دڵ و خوێنبەرەکان دەکات.

-ئاڤۆکادۆ
دەوڵەمەندە بە ترشە چەورییەکان، ڤیتامین، کانزا و دژەئۆکسانە بەهێزەکان کە بۆ کەسانی وەرزشی زۆر پێویستن، لەگەڵ ئەوەشدا کرداری هەرس ئاسانتر دەکات و سەرچاوەیەکی سەرەکی ڕیشاڵەکانە.

-هێلکە
سەرچاوەیەکی سەرەکی پڕۆتینە یارمەتی دروستبوونی ماسولکەکان دەدات، هەروەها ڕێژەی کۆلیستڕۆڵی خراپ کەمدەکاتەوە و ڕۆڵێکی گرنگی لە گەشەی مێشک و بەهێزکردنی بیرەوەریدا هەیە.

-مریشک
چەوری کەم تێدایە و سەرچاوەیەکی سەرەکی پڕۆتینە.

-پەتاتەی شیرین
سەرچاوەیەکی باشی کاربۆهیدراتە و نابێتە هۆی بەرزبوونەوەی ڕێژەی شەکری خوێن.