ئەم خواردنانە نابێت لە بەفرگردا هەڵبگیرێن

پۆڵەتیک پرێس

بەشێوەیەکی گشتی هەمووان خواردنەکان لە بەفرگردا هەڵدەگرن بۆ ڕێگریکردن لە تێکچوونیان، بەڵام هەندێک لە خواردنەکان نابێت بکرێنە بەفرگرەوە چونکە لە پلەی گەرمی نزمدا تام، بۆن و ڕەنگیان لەدەست دەدەن بەپێی ماڵپەڕی”health”.

ئەم خواردنانە نابێت لە بەفرگردا هەڵبگیرێن:

-مۆز
مۆز پێویستی بە پلەی گەرمی ئاسایی ژوورە، چونکە پلەی گەرمی ژوور یارمەتی پێگەیشتنی دەدات و ڕووناکی و هەواش کرداری تێکچوون دوادەخەن.

-زەیت
هەموو جۆرە زەیتە ڕووەکیەکان، گوێزی هیندی، زەیتون و ئەوانی دیکە پیویستە لە پلەی گەرمی ئاسایی ژووردا بن.

-مریشکی کوڵاو
هەڵگرتنی مریشکی کوڵاو لە دوو بۆ سێ ڕۆژ زیاتر لە بەفرگردا دەبێتە هۆی ژەهراویبوون و کێشەکانی کرداری هەرس.

-هەنگوین
هەڵگرتنی هەنگوین لەناو بەفرگردا دەبێتە هۆی مەینی بۆیە پێویستە لە پلەی گەرمی ئاسایی هەڵبگیرێت.