پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی ئاسایشی راپەڕین رایگەیاند، 10 تۆمەتباریان دەستگیركردووە و دەستیان گرتووە بەسەر بڕی نیوكیلۆگرام ماددەی هۆشبەر و زیاتر لە یەك ملیۆن و 200 هەزار دیناری ساختە.
بەڕێوەبەرایەتی ئاسایشی راپەڕین لە راگەیەندراوێكدا بڵاویكردەوە، لە درێژەی كارو چالاكییەكانی بەشی ماددە هۆشبەرەكانی بەڕێوەبەرایەتیمان دوای وەرگرتنی زانیاری و بەدوا داچوون بە هاوكاری یاریدەدەرێتی ئاسایشی چوارقوڕنە و ئاسایشی قەزای حاجیاوا توانرا 10 كەس دەستگیر بكرێن كە بڕی نیو كیلۆ ماددەی هۆشبەر و زیاتر لە یەك ملیۆن و 200 هەزار دیناری ساختە لەگەڵ كڵاشینكۆفێك و دوو دەمانچەی علوج دەستیان بەسەر داگیرا.
لە بەشێكی دیكەی راگەیەندراوەكەدا هاتووە، لەناو گیراوەكاندا بازرگان و بەكارهێنەری ماددەی هۆشبەری تێدایە ڕاگیراون، دانیشتووی (ڕانیە، حاجیاوا، چوارقوڕنە)ن.
ئەوەشخراوەتەڕوو، پەڕاوی لێكۆڵینەوەیان بۆ كراوەتەوە و لێكۆڵینەوە بەردەوامە.