ئەنجامی كۆبوونەوەی شاندی هەرێم و عێراق ئاشكرادەكرێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

هەردوو لیژنەی باڵای حكومەتی هەرێمی كوردستان و حكومەتی فیدراڵی لە شاری بەغدا كۆبوونەوە و گفتوگۆیان لەبارەی چارەسەركردنی دۆسییە هەڵپەسێردراوەكانی نێوان هەولێر و بەغدا ئەنجامدا.

رۆژی چوارشەممە 30_11_2022، فەرمانگەی میدیا و زانیاری حكومەتی هەرێمی كوردستان، راگەیەندراوێكی لەبارەی كۆبوونەوەكە بڵاوكردەوە و رایگەیاند، هەردوو لیژنەی باڵای حكومەتی هەرێمی كوردستان و حكومەتی فیدراڵـی لە شاری بەغدا كۆبوونەوە و گفتوگۆیان لە بارەی چەند دۆسییەك كرد بە ئاڕاستەی چارەسەركردنی كێشە هەڵپەسێردراوەكانی نێوان هەردوولا لە چوارچێوەی دەستوور.

لە بەشێكی دیكەی راگەیەندراوەكەدا هاتووە، ‎هەردوولا جەختیان لەسەر گرنگی ئەم قۆناغە بۆ گەیشتن بە رێكەوتنی هاوبەش لە چوارچێوەی دەستوور و كارنامەی كابینەكەی سوودانی كە لایەنە سیاسەكانی پێكهێنەری حكومەتی نوێ لەسەری رێككەوتن و لە ئەنجومەنی نوێنەرانیش پەسەندكراوە.

هەروەها ‎لە كۆبوونەوەكەی نێوان لیژنەی باڵای هەردوو حكومەتی هەرێمی كوردستان و حكومەتی فیدراڵی، پرسی بودجە، نەوت، چاودێری دارایی و دەروازە سنوورییەكان وەك تەوەری سەرەكی گفتوگۆیان لەبارەوە كرا.

شاندی باڵای حكومەتی هەرێمی كوردستان ماوەی چوار رۆژە لە بەغدایە و چەندین كۆبوونەوەیان لەگەڵ بەرپرسانی باڵای حكومەتی فیدراڵی ئەنجامداوە. لیژنەی باڵای حكومەتی هەرێمی كوردستان لە وەزیرانی پلاندانان، سامانە سروشتییەكان بە وەكالەت، سەرۆكی دیوانی ئەنجوومەنی وەزیران، سكرتێری ئەنجوومەنی وەزیران، سەرۆكی فەرمانگەی هەماهەنگی و بەدواداچوون، وتەبێژی حكومەتی هەرێمی كوردستان و سەرۆكی نوێنەرایەتی حكومەتی هەرێمی كوردستان لە بەغدا، پێكهاتووە.

قەیوان گروپ

 


مایۆرکا سیتی جوانییەک لە دڵی سروشتدا