بەرگری ئەمریكا: بە توندی وەڵامی ئێران دەدەینەوە

پۆڵەتیك پرێس:

ژمارەیەك وەزیری ئەمریكی وردەكاری سەپاندنەوەی سزاكانی سەر ئێرانیان لە كۆنگرەیەكی رۆژنامەوانیدا خستەڕوو.

ستیڤن میۆنچن وەزیری گەنجینەی ئەمریكا وتی: رێگە بە ئێران نادرێت هیچ وڵاتێك پڕچەك بكات بە مووشەكی بالیستی.

وتیشی: سزا سەپێنراوە بەسەر ژمارەیەك پسپۆڕ و بەرپرسی ئاژانسی وزەی ئەتۆمی ئێران.

لای خۆیەوە مارك ئەسپەر وەزیری بەرگری ئەمریكا رایگەیاند: ئامادەین بۆ وەڵامدانەوەی هەر دەستدرێژییەكی ئێران، لە پاڵ هاوپەیمانەكانمان لەناوچەكە دەوەستین دژی ئێران.

وتیشی: بەردەوامین لە ئەوپەڕی فشاركردن لە ئێران، ئێران بڕیارە نێودەوڵەتییەكانی پێشێلكردووە بە پێدانی چەك بە حزبوڵڵای لوبنان و حوسییەكان لە یەمەن.

هاوكات مایك پۆمپەیۆ وەزیری دەرەوەی ئەمریكا وتی: سزاكان بەسەر وەزارەتی بەرگری ئێران و سەرۆكی فەنزوێلادا سەپێنراون.

رونیشیكردەوە بە سەپاندنەوەی سزاكان بەسەر ئێران، رێگادەگرێـت لە ئێران هیچ چەكێكی پێشكەوتوو بكڕێت، ئێران لەبری گەشەپێدان داهاتی گەلەكەی بۆ تیرۆر خەرج دەكات.