پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بافڵ جەلال تاڵەبانی، سەرۆكی یەكێتیی نیشتمانیی كوردستان لە ماڵی مام لە بەغدا پێشوازیكرد لە خالید شوانی، وەزیری دادی عیراق.
لە دیدارەكەدا بافڵ جەلال تاڵەبانی پیرۆزبایی لە خالید شوانی كرد بەبۆنەی دەستبەكاربوونی وەك وەزیری دادی عیراق و هیوای خواست پشتبەستوو بە سەركەوتنەكانی رابردوو، رۆڵێكی كاریگەر ببینێت لە چەسپاندنی یاسا و یەكسانی كۆمەڵایەتی، پاراستنی مافی هەموو گەلانی عیراق و خزمەتكردنی كەركوك و هەموو ناوچە دابڕێنراوەكانیتر.
سەرۆكی یەكێتیی نیشتمانیی كوردستان پشتیوانی تەواوی یەكێتی دووپاتكردەوە بۆ جێبەجێكردنی بڕیارەكانی دادگا و سەربەخۆیی دەسەڵاتی دادوەری و رایگەیاند، چاوپۆشی لە كەس مەكەن و یاسا بخەنە خزمەت هاوڵاتییانەوە، پشتگیری لەهەر هەوڵێك دەكەین كە وڵات بەرەو دامەزراوەییبوون و سەروەریی یاسا دەبات.
لە بەرامبەردا خالید شوانی بەڵێنیدا پارێزەری یاسا و سەربەخۆیی دادگا بن و وتی، هەموو هەوڵێكمان لەپێناو پاراستنی یاسا و ژیانی هاوڵاتییان دەخەینەگەڕ و خزمەتكاری هەموولایەك دەبین.