پۆڵەتیک پرێس
ترێی سوور جگە لەوەی تامێکی خۆشی هەیە سووێکی زۆری بۆ تەندروستی هەیە، چونکە ڕێژەیەکی زۆر ماددەبەسوودەکانی بۆ جەستە تێدایە.
بەشێوەیەکی گشتی ترێ جۆری زۆرە و هەریەکێکیان کۆمەڵێک تایبەتمەندی زۆری بۆ جەستە هەیە، بەپێی ماڵپەڕی”newsbytesapp” خواردنی ترێی سوور ئەم سوودانە بە جەستە دەگەیەنێت:
-ڕێژەیەکەی زۆر ڤیتامین ئەی و سی تێدایە بۆ تەندروستی پێست گرنگن و ڕێگری لەو زیانانە دەکەن کە بەهۆی تیشکی سەروبنەوشەییەوە ڕووبەڕووی پێست دەبنەوە، هەروەها پارێزگاری لە تەندروستی پێست دەکات.
-سوودێکی زۆری بۆ تەندروستی چاو هەیە و بینین بەهێزتر دەکات.
-ترێی سور سەرچاوەیەکی سەرەکی فلاڤۆنۆید و ریسفیراتۆلە ڕۆڵێکی گرنگیان لە پارێزگاریکردنی تەندروستی دڵدا هەیە و مەترسی بەرزبوونەوەی ڕێژەی کۆلیستڕۆڵ و پەستانی خوێن کەمدەکەنەوە کە هۆکارن بۆ نەخۆشییەکانی دڵ و جەڵتەی خوێن.
-پارێزگاری لە تەندروستی مێشک دەکات و ئەگەری توشبوون بە لەبیرچوونەوە(زەهایمەر) کەمدەکاتەوە.
-دەوڵەمەندە بە ڕیشاڵ، پڕۆتین، کانزا و ڤیتامینەکان بەرگری جەستە دژی نەخۆشییەکان بەهێزدەکات و هەوکردنەکانی جەستە کەمدەکاتەوە.