پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی سامانە سرووشتییەكانی حكومەتی هەرێمی كوردستان رایگەیاند، زیاتر لە 134 هەزار خێزان نەوتیان وەرگرتووە.
رۆژی یەكشەممە 20-11-2022، وەزارەتی سامانە سرووشتییەكان لە راگەیەندراوێكدا بڵاویكردەوە، تاوەكو ئەمڕۆ 28 ملیۆن و 560 هەزار و 243 لیتر نەوتیان دابینكردووە، لەو بڕەش 26 ملیۆن و 848 هەزار و 800 لیتر نەوتی سپی بەسەر هاووڵاتییانی ناوچە شاخاوییەكانی پارێزگاكان و ئیدارە سەربەخۆكانی كوردستان دابەشكردووە و 134 هەزار و 244 خێزان لێی سوودمەند بوون.
بەگوێرەی راگەیەندراوەكەی وەزارەتی سامانە سرووشتییەكان، پرۆسەی دابەشكردنی نەوتی سپی بەردەوامە و دوای تەواوبوونی قۆناغی یەكەم لە ناوچە شاخاوییەكان راستەوخۆ قۆناغی دووەمی دابەشكردنی نەوتی سپی بەسەر ناوچەكانی دەوروبەری شارەكاندا دەستپێدەكرێت دوا قۆناغیش لەناو سەنتەری شارەكاندا دەبێت.