پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
کەریم عەلیاوی، ئەندام پەرلەمانی عێراق ئاشکرایکرد، لە دوو ڕۆژی داهاتوودا نوێنەری فراکسیۆنەکان بەسەر لیژنەکانی پەرلەماندا دابەشدەکرێن.
کەریم عەلیاوی بە میدیاکانی عێراقی ڕاگەیاند، کۆبوونەوەیەکی پەرلەمانی و سیاسی بۆ یەکلاکردنەوەی لیژنە هەمیشەییەکانی پەرلەمان ئەنجامدرا.
وتیشی، “لەو کۆبوونەوەیەدا سەرۆکایەتی پەرلەمان داوای لە هێزە سیاسییەکان کردووە، کار بۆ دابەشکردنەوەی نوێنەرەکانیان لە ئەندامانی لیژنە هەمیشەییەکان و پڕکردنەوەی کورسیە بەتاڵەکان بکەن”.
ئەوەشی خستەڕوو، سەرۆکایەتی پەرەمان جەختی لەوە کردووەتەوە کە دەبێت کەسی شیاو بۆ ئەو پۆستانە دیاریبکرێن.
باسی لەوەش کرد، لە دوو ڕۆژی داهاتوودا سەرۆک و جێگر و بڕیاردەری لیژنەکان یەکلایی دەکرێنەوە.