لەماوەی 48 کاتژمێردا لە دیالە بەهۆی ڕووداوی هاتوچۆوە زیاد لە 20 کەس بوونەتە قوربانی

پۆڵەتیک پرێس:

سەرچاوەیەکی ئەمنی لە دیالە ڕایگەیاند، لەماوەی 48 کاتژمێری ڕابردوودا پێنج ڕووداوی هاتوچۆ ڕوویداوە و زیاد لە 20 حاڵەتی گیانلەدەستدان و برینداربوون تۆمارکراون.

ئەمڕۆ شەممە سەرچاوەیەکی ئەمنی دیالە ئاماژەی بەوەکرد، لەماوەی 48 کاتژمێری ڕابردوودا لە پێنج ڕووداوی هاتوچۆدا زیاد لە 20 حاڵەتی گیانلەدەستدان و برینداربوون تۆمارکراوە و ئەوانەی برینەکانیان سەخت بووە ڕەوانەی دەرەوەی دیالە کراون بەمەبەستی وەرگرتنی چارەسەر.

وتیشی، ژمارەی ڕووداوەکانی هاتوچۆ لە دیالە بەراورد بە پارێزگاکانی دیکە ترسێنەرە و زۆربەی جارەکان زیانی گەورەی گیانییان لێدەکەوێتەوە بەدەر لە زیانە مادییەکەی.

یەکێک لە هۆکارە سەرەکییەکانی زۆری ڕێژەی ڕووداوەکانی هاتوچۆ لە دیالە دەگەڕێتەوە بۆ خراپی ڕێگاوبانەکەی.