نرخی نەوت دابەزی

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ پێنجشەممە 17_11_2022، نرخی نەوت لەدوای كردنەوەی بازاڕەكانی ئاسیا، بەهۆی كەمبوونەوەی نیگەرانییە جیۆسیاسییەكان و زیادبوونی ژمارەی تووشبووان بە ڤایرۆسی كۆرۆنا لە چین، دابەزی.

بەرمیلێك نەوتی برێنتی دەریای باكوور ئەمڕۆ پێنجشەممە نزیكەی یەك دۆلار دابەزی و بە 91 دۆلار و 88 سەنت مامەڵەی پێوەكرا، هەروەها هەر بەرمیلێك نەوتی سووكی تێكساسی ئەمریكا یەك دۆلار و 15 سەنت دابەزی و بە 84 دۆلار 50 سەنت مامەڵەی پێوەكرا.

بەهۆی هەڵئاوسانی ئابوری و ترسی كۆمپانیاكان لە مایەپووچ بوون نرخی نەوت ناجێگیرە و بەرزونزمی زۆر بە خۆیەوە دەبینێت.

بەپێی نوێترین ئامارەكانی ئاژانسی تەندروستیی چین، ژمارەی تووشبووانی كۆرۆنا لە چین بەرزبووەتەوە بۆ زیاتر لە 23 هەزار تووشبوو، ئەمەش هۆكارێكی دیكەی بەرزونزمی نرخی نەوتە.