پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ساسان عەونی، وەزیری شارەوانی و گەشتوگوزار ڕەزامەندی دا لەسەر خەرجكردنی گوژمەی 885 ملیۆن و 649 هەزار و 728 دینار بۆ جێبەجێكردنی 20 پڕۆژەی هەمەجۆری خزمەتگوزاری لە شار و شارۆچكەكانی هەرێمی كوردستان.
ئەمڕۆ چوارشەممە فەرمانگەی میدیا و زانیاری حکومەتی هەرێم بڵاویکردەوە، بە مەبەستی پەرەپێدانی پرۆژە جۆراوجۆرەكانی دروستكردن و نۆژەنكردنەوە و قیڕتاوكردنی شەقام و تۆڕی ئاو و ئاوەڕۆ و زیادكردنی ڕێژەی سەوزایی و دیزاینكردنی شەقام و چەند سێكتەرێكی دیكەی خزمەتگوزاری، بەپێی چەند فەرمانێكی وەزاری لەسەر داهاتی ئاو و شارەوانی، وەزیری شارەوانی و گەشتوگوزار ڕەزامەندی دا لەسەر خەرجكردنی گوژمەی 885 ملیۆن و 649 هەزار و 728 دینار بۆ جێبەجێكردنی 20 پڕۆژەی هەمەجۆری خزمەتگوزاری لە شار و شارۆچكەكانی هەرێمی كوردستان.
ناوی پرۆژەكان:
1- دروستكردنی ئاوەڕۆی لوولەیی لە گەڕەكی سێبەردان لە هەولێر.
2- چاكسازیی ئاوەڕۆ لە گەڕەكی چۆمان لە چوارقوڕنە.
3- دروستكردنی شەقام لە گەڕەكی ئازادی لە كەلار.
4- كۆنكرێتكردنی كۆڵان لە گەڕەكی بارزان لە سۆران.
5- چاككردنی شەقام لە ناحیەی شۆڕش.
6- چاككردنی شەقام لە قەرەهەنجیر.
7- نۆژەنكردنەوەی دوو باخچە لە سێمێل.
8- قیڕتاوكردنی چەند شەقامێك لە گەڕەكەكانی خواكوڕك – 1ی شوبات لە كەسنەزان.
9- ڕاكێشانی تۆڕی ئاو بۆ چەند كۆڵانێك لە گەڕەكی 7-39 هۆمەرەكوێر لە سلێمانی.
10- دابینكردنی پارچەی یەدەگ بۆ نۆژەنكردنەوەی تۆڕی ئاو لە زاخۆ.
11- دروستكردنی ئاوەڕۆی لوولەیی لە گەڕەكی حەمرین لە هەولێر.
12- دابینكردنی مەواد بۆ كۆگای ئاوی كەلار.
13- دابینكردنی تاخم غەتاس بۆ فلتەرەكانی ئاوی چەمی سیوەیل لە چوارتا.
14- گەیاندنی كارەبا بۆ بیری ئاو لە گوندی بهێرێ.
15- تەواوكردنی پرۆژەی گەیاندنی كارەبا بۆ بیری ئاو لە بهێرێ.
16- گۆڕینی بۆڕی تۆڕی ئاو لە بنەسڵاوە.
17- پرۆژەی نۆژەنكردنەوەی شەقامە ناوخۆییەكانی سێمێل.
18- جێبەجێكردنی پرۆژەی كاری ڕووپێوی و دیزاینكردنی بەشێك لە شەقام و زەوییەكانی سێبەردان.
19-كڕینی كەرەستە و گازوایل بۆ بەرهەمێنانی تێكەڵەی ئەسفەلتی لە هەولێر.
20- پرۆژەی قیڕتاوكردنی شەقامی 20 مەتری لە هەولێر.