پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
محەمەد شەمەری ئەندامی هاوپەیمانی دەوڵەتی یاسا داوای لە یەکێتی نیشتمانی کوردستان و پارتی دیموکراتی کوردستان کرد پۆستی وەزیری ژینگە و نیشتەجێکردن لەنێوان خۆیاندا یەکلابکەنەوە.
محەمەد شەمەری بە میدیای عێراقی ڕاگەیاند، یەکلانەکردنەوە پۆستی وەزارەتی ژینگە و نیشتەجێکردن کاریگەری نەرێنی دەبێت و فشارێکی دیکە بۆ سەرۆک وەزیرانی عێراق دروست دەکات.
جەختی لەوەشکردەوە، پێویستە یەکێتی و پارتی بەزووترین کات ئەم دۆسیەیە یەکلابکەنەوە، چونکە دواخستنی نە بەرژەوەندی حکومەتی تێدایە نە بەرژەوەندی وڵات.
پێشتریش غەیاس سورچی سەرکردەی ناو یەکێتی نیشتمانی کوردستان ڕایگەیاند، هیچ لێکتێگەیشتنێک لەنێوان یەکێتی و پارتیدا نییە بۆ یەکلاکردنەوەی پۆستی وەزیری ژینگە و نیشتەجێکردن، وتیشی، یەکێتی یەکلاکردنەوەی ئەم دۆسیەیەی خستووەتە دەستی محەمەد شیاع سودانی سەرۆک وەزیرانی عێراقەوە.