كۆرۆنا لە چین نرخی نەوت دادەبەزێنێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ماوەی سێ‌ رۆژە نرخی نەوت بەردەوامە لە دابەزینەكانی، هۆكاری دابەزینی نرخی نەوتیش بۆ تەشەنەكردنی ڤایرۆسی كۆرۆنا لە چین دەگەڕێندرێتەوە.

ئەمڕۆ پێنجشەممە 10/11/2022 نرخی هەر بەرمیلێك نەوتی برێنت 34 سەنت دابەزی و هەر بەرمیلێك نەوتی برێنت بە 92 دۆلار و 31 سەنت مامەڵەی پێوەكرا، هەروەها یەك بەرمیل نەوتی سووكی تەكساسی ئەمریكا 31 سەنت دابەزی و بە 85 دۆلار و 52 سەنت مامەڵەی پێوەكرا.

لەم هەفتەیەدا نرخی نەوتی برێنت بە رێژەی 6% و نرخی نەوتی سووكی تەكساسی ئەمریكا بە رێژەی 7% دابەزینی بەخۆیەوە بینیوە.

هۆکاری دابەزینی نرخی نەوت لە ئەمڕۆدا دەگەڕێتەوە بۆ بڕیارێکی حکومەتی چین بۆ زیادکردنی هەنگاوە خۆپارێزییەکانی کۆرۆنا دوای بڵاوبونەوەی پەتاکە لە چەند ناوچەیەکی جیاوازی ئەو وڵاتەدا.