ئەنجومەنی وەزیران پەیوەندی نێوان هەولێر و بەغدا و پڕۆژەیاسای بودجە تاوتوێدەکات

پۆڵەتیک پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ چوارشەممە ئەنجومەنی وەزیرانی هەرێم کۆدەبێتەوە و پەیوەندی نێوان هەولێر و بەغدا و کێشە هەڵپەسێردراوەکانی نێوانیان تاوتوێدەکات.

فەرمانگەی میدیا و زانیاری ڕایگەیاند، ئەمڕۆ چوارشەممە ڕێکەوتی 9ی تشرینی دووەمی 2022، ئەنجومەنی وەزیرانی هەرێمی کوردستان کۆدەبێتەوە و دوو بڕگە تاوتوێدەکات.

بەگوێرەی ڕاگەیەندراوەکەی فەرمانگەی میدیا و زانیاری بڕگەی یەکەمی کۆبوونەوەکە بریتی دەبێت لە بەدواداچوون بۆ بڕیاری پێشووی ئەنجومەنی وەزیران، تایبەت بە نەخشەڕێگەی حکومەتی هەرێمی کوردستان بۆ پەیوەندیی نوێی نێوان هەولێر و بەغدا، لە دواى پێکهێنانی کابینەى وەزاریى نوێی فیدراڵ و میکانیزمی چارەسەرکردنی کێشە هەڵپەسێردراوەکانی نێوان هەردوولا لە چوارچێوەی دەستوور.

هاوکات، بڕگەی دووەم تایبەت دەبێت بە خستنەڕووی ئاستەنگەکانی بەردەم ئامادەکردنی پڕۆژەیاسای بودجەی هەرێمی کوردستان.