شا چالزی سێیەم بۆ سەرۆك كۆمار: پەیوەندییەكانی هەردوو وڵات بەردەوامە

پۆڵەتیك پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

د. لەتیف جەمال ڕەشید سەرۆك كۆماری عێراق ، پەیامێكی پیرۆزبایی لە شا چارڵزی سێیەم پاشای شانشینی یەكگرتوی بریتانیا و ئێرلەندای باكوور پێگەیشت بە بۆنەی هەڵبژاردنی وەك سەرۆك كۆمار.

لە پەیامەكەی شا چارلزدا هاتووە: خۆشحاڵم كە درێژەبدەین بە پتەوتركردنی پەیوەندیی دۆستانەی نێوانمان، هەروەها برەودان بە ئەو هاریكارییە بەهێزەی كە لە نێوان هەردوو وڵاتدایە، هیوای باشی بۆ بەڕێزتان و گەلی عێراق دەخوازم.

دەقی پەیامەكە:

“جەنابی سەرۆك”

بە بۆنەی هە ڵبژاردنتان وەك سەرۆك كۆماری عێراق، خۆشحاڵم گەرمترین پیرۆزبایی خۆمتان ئاراستە بكەم. پەیوەندی پتەوی نێوان هەردوو وڵات بەردەوامە و ئەو پەیوەندییەش بەلای شانشینی یەكگرتووەوە گرنگییەكی زۆری هەیە .

خۆشحاڵم كە درێژەبدەین بە پتەوتركردنی پەیوەندیی دۆستانەی نێوانمان، هەروەها برەودان بە ئەو هاریكارییە بەهێزەی كە لە نێوان هەردوو وڵاتدایە، هیوای باشی بۆ بەڕێزتان و گەلی عێراق دەخوازم.
شا چارڵزی سێیەم