ئەم خواردنانە بۆ تەندروستی ددان گرنگن

پۆڵەتیک پرێس

پزیشکی پسپۆڕ لە بواری ددان ئیڤان مۆسۆرۆڤ باس لەو خواردنانە دەکات کە سوودێکی زۆریان بۆ تەندروستبوونی ددانەکان هەیە و پارێزگاری لە تەندروستی ددانەکان دەکەن.

پزیشکەکە لە لێدوانێکیدا بۆ ماڵپەڕی Pravda.Ru، ڕوونیکردەوە تەندروستی ددانەکان بەندە بە سیستمی خۆراکیەوە، بۆ پارێزگاریکردن لە تەندروستی ددانەکان و ناودەم پێویستە خواردنە دەریاییەکان، چەرەسات و سەوزەواتەکان لە سیستمی خۆراکیدا هەبن، چونکە یارمەتی ڕزگاربوون لە کلسی ددان دەدەن.

باسی لەوەشکرد هێلکە و میوەکانیش بەهەمان شێوە سوودێکی زۆریان لە پارێزگاریکردنی دداندا هەیە، جەختی لەوەشکردەوە هەموو کاتێک شیرینیەکان بۆ ددان زیانبەخش نین هەنگوین جۆرێکی شیرینیە کە پێویستە لەسیستمی خۆراکیدا هەبێت بۆ پارێزگاریکردن لە تەندروستی ددانەکان.