پۆڵەتیک پرێس
بڕیارە لەڕۆژی 26ی تشرینی دووەمدا ئۆتۆمبێلی شاژنی کۆچکردووی بەڕیتانیا ئیلیزابێسی دووەم لە مەزادێکدا بفرۆشرێت.
بەپێی ڕۆژنامەی “دەیلی مەیل”ی بەڕیتانی، ئۆتۆمبێلەکە لە مەزادی Historics Auctioneers لە Mercedes World دەفرۆشرێت و تێیدا هاتووە کە هیچ نرخێکی سەرەتایی بۆ دەستپێکردنی مەزادەکە نییە و دەکرێت ئۆتۆمبێلەکە بە کەمتر لە یەک پاوەن بفرۆشرێت، بەڵام بەگوێرەی سەرچاوەی ئۆتۆمبێلەکە نرخی فرۆشتنەکە بەلایەتی کەمەوە دەگاتە پێنج ژمارە.
ئۆتۆمبێلەکە بەڕەنگی سەوزی Emerald Fire ناسراوە، کەمتر لە 75 هەزار میل گەشتی کردووە مێژوویەکی خزمەتگوزاری بەرفراوانی هەیە، دیزاینی ناوەوەی چەرمە و کۆمەڵێک تایبەتمەندی زۆری هەیە، لەلایەن ئیان کالۆمەوە دیزاینکراوە مەکینەی ڤی6ی سێ لیتری هەیە ئەمەش وایلێدەکات زۆر جێگیربێت تەنانەت لەکاتی لێخوڕینی خێراشدا.