لە خۆپیشاندانەکانی مهاباددا سێ هاووڵاتی بە تەقەی هێزەکانی ئێران کوژران

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لە خۆپیشاندانەکانی شاری مهاباد لە ڕۆژهەڵاتی کوردستان سێ هاووڵاتی بەتەقەی هێزەکانی ئێران کوژران و ژمارەیەکی زۆریش بریندار بوون.

بەگوێرەی زانیارییەکان، هێزەکانی ئێران بە چەکی ساچمە و کڵاشینکۆف تەقەیان لە خۆپیشاندەران کردووە و یەکێک لە کوژراوەکان ناوی شاهۆ خزرییە و تەقە بەر سەری کەوتووە و گیانی لەدەستداوە.

هەر بەهۆی خۆپیشاندانەکانی مهابادەوە دوو هاووڵاتی دیکەش کوژراون یەکێکیان ژنە و ناوی کوبڕا شێخییە و ئەوەی دیکەش ناوی زانیار ئەبوبەکرییە و ئەمڕۆ لەلایەن هێزەکانی ئێرانەوە کوژراوە.