پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
رێكخراوی كۆچی نێودەوڵەتی ئاشكرایدەكات، لە ساڵی 2014 ەوە تا ئێستا زیاتر لە 29 هەزار كەس لە رێگەی كۆچكردن بۆ ئەوروپا گیانیان لەدەستداوە و تەنها لە ماوەی دوو ساڵی رابردوودا پێنج هەزار كەس گیانیان لە دەستداوە.
رێكخراوی كۆچی نێودەوڵەتی لە راپۆرتێكدا، ژمارەی قوربانیانی كۆچی نایاسایی بۆ ئەوروپای ئاشكراكرد و ناوەڕاستی دەریای ناوەڕاستی وەك كوشندەترین رێگەی كۆچكردنی دیاریكردووە، بەو پێیەی لە مانگی یەكی ساڵی 2021ەوە دوو هەزار و 836 كۆچبەر و پەنابەر لەكاتی هەوڵدان بۆ گەیشتن بە ئیتاڵیا یان ماڵتا بە پەڕینەوە بە شێوەیەكی سەرەكی لە لیبیا و تونسەوە گیانیان لەدەستداوە.
ئاماژەی بەوەشكرد، دووەم كوشندەترین رێگا بریتییە لە زەریای ئەتڵەسی لە رۆژئاوای ئەفریقاوە بۆ دوورگەكانی كەناری ئیسپانیا كە لە ساڵی 2021ـەوە زیاتر لە 1500 حاڵەتی گیان لەدەستدان تۆماركراوە.