دكتۆر لەتیف رەشید و محەمەد شیاع سودانی پرسی پێكهێنانی حكومەت تاوتوێدەكەن

پۆڵەتیك پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

دكتۆر لەتیف رەشید، سەرۆك كۆماری عێراق رۆژی چوارشەممە 19_10_2022 لە كۆشكی سەلام لە بەغداد، پێشوازیكرد لە محەمەد شیاع سودانی سەرۆك وەزیری راسپێردراو بۆ پێكهێنانی حكومەتی نوێ.

بە گوێرەی راگەیەندراوی نووسینگەی سەرۆك كۆمار، لە سەرەتای دیدارەكەدا سەرۆك وەزیری راسپێردراو پیرۆزبایی لە سەرۆك كۆمار كرد بەبۆنەی هەڵبژاردنی وەك سەرۆكی كۆمار، هیوای سەركەوتنی و بۆ خواست لە جێبەجێكردنی ئەركەكەیدا.

سەرۆك كۆمار سوپاس و پێزانینی ئاراستەی محەمەد شیاع سودانی كرد و پیرۆزبایشی لێكرد بە بۆنەی ئەوەی راسپێردراوە بۆ پێكهێنانی حكومەتی نوێ، هیوای سەركەوتنی بۆ خواست لە ئەركەكەیدا.

لە دیدارەكەدا باس لە بارودۆخی گشتیی وڵات كراو، هەروەها هەردوولا جەختیان كردەوە لە گرنگی یەكخستنی نیشتمانی و كاركردن بۆ پێكهێنانی حكومەتێكی نوێ كە رووبەڕووی ئەو ئاستەنگانە بێتەوە كە رووبەڕووی وڵات دەبێتەوە و كار بكات بۆ خزمەتكردنی گەلی عێراق و باشتركردنی گوزەرانیان و دەستەبەركردنی ژیانێكی شكۆمەند بۆیان.