سوپەر هاری سۆنگ

پۆڵەتیك: سپۆڕت
هاری كین هێرشبەر، بەڵام بە كۆمەڵێك ئەركی نوێوە خۆی نماییش دەكات وەك ئەسیست مان هەروەك هیونگ مین سۆنگ كۆری یاریدەدەری هێرشبەر، بەڵام بە ئەركی تۆمار كردنی گۆڵ هەمیشە خۆی نماییش دەكات.

كەمێك پێش ئێستا یەكێك لە یارییەكانی هەفتەی دووەمی خولی پریمەرلیگ لە سەر یاریگای سانت ماری تایبەت بە یانەی ساوزهامتۆن بەڕێوەچوو كە تیایدا یانەی خاوەن یاریگا میوانداری یانەی تۆتنهامی لەندەنی كرد.

لە سەرەتای یارییەكەوە ساوزهامتۆن بەهێزەوە بە دەركەوت و توانی بە گۆڵێكی دانی ئینگز لە خولەكی 32 بە پێش بكەوێت، بەڵام لە خولەكی 45 سۆنگی كۆری توانی یارییەكە بگەڕێنێتەوە خاڵی یەكسانی بە تۆمار كردنی گۆڵێكی ناوازە كە ئەسیستی گۆڵەكە هاری كینی هێرشبەری سەرەكی تۆتنهام بۆی دروست كرد.

گێمی دووەم هەردوو یانە گەڕانەوە نێو یاریگا و تۆتنهام و هاری كین و سۆنگ بوونە دێوەزمە لە یانەی ساوزهامتۆن لە خولەكی 47 هاری كین تۆپێكی جوان دەداتە سۆنگ گۆڵی دووەم بۆ سپێرز تۆمار دەكرێت لە خولەكی 64 جارێكی تر هاری تۆپێكی تری پڕ جادوو وەك جادووەكانی هاری پرۆتەر دەداتەوە بە هیونگ مین سۆنگ ئەویش گۆڵی 3 ی خۆی و یانەكەی پێ‌ تۆمار دەكات پاش 9 خولەك واتا لە خولەكی 73 جارێكی تر هاری تۆپێكی تر بۆ سۆنگ دروست دەكات و ئەویش گۆڵی 4 واتا سوپەر هاتریكی خۆی تۆمار دەكات كە ئەسیستەكانی هاری كین دەبنە 4 و گۆڵەكانی هیونگ مین سۆنگیش دەبنە 4 واتا سوپەر هاتریك و ئیدی ژمارەیەكی ناوازەی مێژوویی تۆمار دەكەن بۆ خۆیان پاشان لە خولەكی 82 هاری خۆشی گۆڵی 5 یانەكەی تۆمار دەكات و خۆیان دەكەنە ئەستێرەی ناوازەی ئەم هەفتەیەی خولی پریمەرلیگ لە خولەكی 89 دا دانی ئینگز بە پیناڵتی گۆڵی دووەمی ساوزهامتۆن تۆمار دەكات، بەڵام هیچ لە هیچ ناگۆڕێت و سۆنگ و هاری بردنەوەیەكی ناوازە پێشكەش بە جۆزی مۆرینهۆ و گاریس بێڵی هاوڕێیان دەكەن كە دوێنێ‌ لە سەفەرێكی 100 ملیۆن یۆرۆ و چەندان نازناوەوە گەڕایەوە بۆ تۆتنهام.

دانەر ئەسڵان

پەخشی راستەوخۆی رادیۆ پۆلەتیک