نرخی عەمرە كەمدەبێتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

نرخی عەمرە كەمكرایەوە، وتەبێژی بەڕێوەبەرایەتیی گشتیی حەج و عەمرەی هەرێمی كوردستان هۆكارەكان ئاشكرا دەكات و ئەوەشدەخاتەڕوو لە ئێستا گەشتی عەمرە بە 660 دۆلار ئەنجام دەدرێت.

رۆژی یەكشەممە 16-10-2022، كاروان ستوونی، وتەبێژی بەڕێوەبەرایەتیی گشتیی حەج و عەمرەی هەرێمی كوردستان رایگەیاند: زۆرجار لە كاتی پشووەكان و لە مانگی رەمەزان خواست لەسەر عەمرە زیاد دەبێت و ئەوەش وادەكات نرخەكەی زیادبكات، بەڵام ئێستا دەوام هەیە و ئەوەش وایكردووە خەڵكی كەمتر هەوڵبدات بچێتە سعودیە بە مەبەستی عەمرەكردن، ئەوە یەكێكە لە هۆكارەكانی نزمبوونەوەی نرخی عەمرە.

وتیشی، هۆكارێكی دیكەی نزمبوونەوەی نرخی عەمرە دەگەڕیتەوە بۆ زیادبوونی ژمارەی كۆمپانیاكانی حەج و عەمرە.

وتەبێژی بەڕێوەبەرایەتیی گشتیی حەج و عەمرەی هەرێمی كوردستان باسی لەوەكرد، پێشتر نرخی عەمرە نزیكەی 800 بۆ 900 دۆلار بوو، بەڵام ئێستا بۆ نزیكەی 660 بۆ 700 دۆلار دابەزیوە.