پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
محەمەد شیاع سودانی، سەرۆكوەزیرانی راسپێردراوی عێراق لەگەڵ جێنین پلاسخارت، نێردەی تایبەتی نەتەوە یەكگرتووەكان بۆ كاروباری عێراق كۆبووەوە.
رۆژی یەكشەممە16_10_2022، نووسینگەی راگەیاندنی سەرۆكوەزیرانی راسپێردراوی عێراق بڵاویكردەوە، محمەمەد شیاع سودانی لە كۆشكی حكومی لە بەغدا پێشوازی لە جێنین پلاسخارت، نێردەی تایبەتی نەتەوە یەكگرتووەكان بۆ كاروباری عێراق كردووە و لە كۆبوونەوەكەی نێوانیاندا تاوتوێی دوایین پێشهاتەكانی عێراق و بارودۆخی گشتیی سیاسی وڵات كراوە.
وەك لە راگەیەندراوەكەی نووسینگەی راگەیاندنی سەرۆكوەزیرانی راسپێردراوی عێراق هاتووە، لە كۆبوونەوەكەدا سەرۆكوەزیرانی راسپێردراوی عێراق دووپاتی كردووتەوە كە كاری لە پێشینەییان رووبەڕووبوونەوەی گەندەڵی و چارەسەركردنی كێشە خزمەتگوزارییەكانە.
لە كۆتایی راگەیەندراوەكەدا هاتووە: پلاسخارت پیرۆزبایی لە سوودانی كردووە بەبۆنەی راسپاردنی بۆ پێكهێنانی حكومەتی نوێی عێراق، هاوكات پشتیوانی نوێنەرایەتی نەتەوە یەكگرتووەكانی بۆ پێكهێنانی حكومەتێك كە خواستەكانی تەواوی پێكهاتەكانی عێراق بەدیبهێنێت دووپاتكردووەتەوە.