پۆڵەتیک پرێس
بەشێوەیەکی گشتی سیستمی خۆراکی ڕۆڵێکی گرنگی لە تەندروستی هەموو ئەندامەکانی جەستەدا هەیە، ئازاری ماسولکە و جومگەکان ژمارەیەکەی زۆر خەڵک بەدەستیەوە دەناڵێنن هەندێک لە خواردنەکان یارمەتی کەمبوونەوەی ئەو ئازارە دەدەن.
چوار خواردن ئازاری ماسولکە و جومگەکان کەمدەکەنەوە:
-زەنجەبیل
لەکۆنەوە لە چارەسەرە پزیشکییەکاندا بەکارهێنراوە، تایبەتمەندی دژەهەوکردنی هەیە ڕێگری لە هەوکردنی جومگەکان دەکات و ئازاری ماسولکە و جومگەکان کەمدەکاتەوە.
-توو
خێزانی توو بەهەموو جۆرەکانیەوە توو، شاتوو، بلوبێری و شلیک ڕێگری لە هەوکردنەکان دەکەن و ئازاری جومگە و ماسولکەکان کەمدەکەنەوە.
-ماسی سەلەمون
دەوڵەمەندە بە ئۆمێگا3 و تایبەتمەندی دژەهەوکردنی هەیە، سوودێکی زۆری بۆ تەندروستی دڵ هەیە و ئازاری جومگەکان کەمدەکاتەوە بەتایبەتی جومگەی ڕۆماتیزم.
-زەردەچەوە
یەکێکە لە بەهاراتە بەناوبانگەکان و دژەهەوکردنە ئازاری جومگەکان کەمدەکاتەوە و ڕێگری لە هەوکردنیان دەکات.