بەوێنە..دۆزینەوەی درێژترین دار لە ئەمازۆن

پۆڵەتیک پرێس

دوای سێ ساڵ لە پلان دانان و هەڵمەت و گەشتێکی دوو هەفتەیی بەناو دارستانەکەدا، تیمێک لە زانایان گەیشتنە گەورەترین دار کە تائێستا لە دارستانی باراناوی ئەمازۆندا دۆزرابێتەوە، درێژی دارەکە لە بەرزی بینایەکی 25 نهۆمی دەچێت.

دارە زەبەلاحەکە کە دەکەوێتە سروشتی ڕووباری ئیراتاپۆرۆ لە باکووری بەڕازیل لەجۆری دینیزیا ئەکسێلسایە بەرزییەکەی 88.5 مەترە و تیرەکەی 9.9 مەترە.

زانایان سەرەتا بۆ یەکەمجار لەساڵی 2019 لەڕێگەی گرتەی سەتەلایتەوە درکیان پێکرد، دواتر تیمی ناوخۆیی هەوڵیاندا لەماوەی هەمان ساڵدا پێیبگەن، بەڵام گەیشتن بە داری دینیزیا ئەکسێلسا مەحاڵبوو تا ئەو هەڵمەتەی لەنێوان 12 بۆ 25 مانگی ئەلیولدا ڕوویدا دوای ئەوەی زانایان دووری 250 کیلۆمەتریان بە بەلەم و زیاتر لە 20 کیلۆمەتریان بەپێی لەناوی دارستانە شاخاویەکەدا بڕی و پێیگەیشتن.