پۆڵەتیک پرێس:
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی کارەبای حکومەتی هەرێم ڕایگەیاند، راکێشانی هێڵی گواستنەوەی کارەبای 132 کەی ڤی لەنێوان سۆران و چۆمان بە درێژایی 45 کیلۆمەتر لە جێبەجێکردن دایە.
ئەمڕۆ چوارشەممە وەزارەتی کارەبا لە ڕاگەیەندراوێکدا ئاشکرای کرد، پڕۆژەی ڕاکێشانی هێڵی گواستنەوەی کارەبای 132 کەی ڤی نێوان سۆران و چۆمان لە قۆناغی جێبەجێکردندایە کە کێشەی ڤۆڵتیەی ناوچەکە چارەسەر دەکات.
ئەوەشی خستەڕوو، سەرەڕای شاخاوی بوونی ناوچەکە، هەبوونی كێڵگەی مین و پاشماوەی جەنگ لە ناوچەكەدا یەكێکە لەبەربەستەكانی بەردەم پڕۆژەی هێڵی گواستنەوەی کارەبای 33 کەی ڤی لە نێوان چۆمان و حاجی ئۆمەران.
بەگوێرەی ڕاگەیەندراوەکەی وەزارەتی کارەبا، تیمەکانی دەزگای گشتی كاروباری مین دەستیان بە پاكردنەوەی ناوچەکە لە مين و تەقەمەنیەکانی پاشماوەی جەنگ کردووە.