پۆڵەتیک پرێس:
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ڕۆژی سێشەممە لەکاتی هێرشە درۆنییەکانی تورکیا بۆسەر ناوچەکانی شارباژێر و پێنجوێن هاکان فیدان، سەرۆکی دەزگای هەواڵگری تورکیا (میت) لە هەولێر بووە.
لەوبارەیەوە حەسەن توران سەرۆکی بەرەی تورکمانی لە فەیسبوکی خۆی بڵاویکردەوە، لە بارەگای حزبەکەیان لە هەولێر بە ئامادەبوونی سەرکردە و بەرپرسانی بەرەی تورکمانی، پێشوازییان لە هاکان فیدان، سەرۆکی دەزگای هەواڵگری تورکیا (میت) کردووە.
ئەو سەردانەی هاکان فیدان بۆ هەولێر لەکاتێکدایە، ڕۆژی سێشەممە تورکیا لەڕێی درۆنەوە هێرشیکردەسەر ناوچەکانی شارباژێڕ و پێنجوێن، سەردانەکەی هاکان فیدان هاوکاتیش بووە لەگەڵ کوژرانی ژنە چالاکوان ناگەهان كەمال ئاكارسێڵ لە گەڕەکی بەختیاری شاری سلێمانی.