پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
نێچیرڤان بارزانی لە هەولێر پێشوازی لە مستەفا كازمی كرد و لە دیدارێكدا باسی هێرشەكانی ئەم دواییەی ئێران بۆ سەر هەرێمی كوردستان كرا، هەردوولا جەختیان لەوە كردەوە كە نابێ عێراق بكرێتە گۆڕەپانی ململانێكان.
بەپێی راگەیەندراوی سەرۆكایەتی هەرێم رۆژی دووشەممە 3_10_2022، نێچیرڤان بارزانی، سەرۆكی هەرێمی كوردستان لە هەولێر پێشوازی لە مستەفا كازمی، سەرۆكوەزیرانی عێراق كرد و لە دیدارێكدا دوایین پێشهاتە سیاسییەكانی عێراق، هەوڵەكانی حكومەتی عێراق و هەرێمی كوردستان بۆ لێكنزیككردنەوەی لایەنە سیاسییەكان و پاراستنی ئاشتیی ناوخۆیی، تاوتوێ كران.
ئەوەشهاتووە، هەردوولا جەختیان لەوە كردووەتەوە پێویستە رێز لە سەروەریی عێراق بگیرێت و رەتیانكردەوە عێراق بكرێتە گۆڕەپانی یەكلاكردنەوەی ناكۆكییە هەرێمییەكان، هەروەها دووپاتیان كردەوە كە عێراق و هەرێمی كوردستان پابەندن بە پەیوەندیی دۆستانە لەگەڵ وڵاتانی دراوسێ و بەوەی خاكی عێراق نەبێتە سەرچاوەی هەڕەشە بۆ ئەو وڵاتانە.