پۆڵەتیک پرێس
تەندروستی خوێنبەرەکان زۆر گرنگە، چونکە لەگەڵ دروستبوونی هەر کێشەیەک تێیاندا ڕاستەوخۆ چەندین کێشەی تەندروستی دیکە دەردەکەون.
ئەم خواردنانە سوودیان بۆ تەندروستی خوێنبەرەکان هەیە و پارێزگارییان لێدەکەن:
-ماسی
ماسییە چەورەکانی وەک سەلەمون، ماکریل، ڕەنجە و سەردین دەوڵەمەندن بە ئۆمێگا3 یارمەتی تەندروستی دڵ و خوێنبەرەکان دەدەن.
-گوێز
ڕێژەیەکی زۆر ئۆمێگا3 و دژەئۆکسانەکانی تێدایە، سوودیان بۆ تەندروستی دڵ هەیە و یارمەتی دابەزینی ڕێژەی چەوری خوێن دەدەن.
-بادەم
ئەو ماددانەی تێدایە کە ڕێژەی کۆلسیتڕۆڵ دادەبەزێنن و بەوشێوەیە پارێزگاری لە تەندروستی خوێنبەرەکان دەکات.
-نیسک
پاقلەمەنیەکانی وەک نیسک، نۆک و پاقلە مەترسی توشبوون بە نەخۆشییەکانی دڵ و خوێنبەرەکان کەمدەکەنەوە.
-سەوزەواتەکان
بەشێوەیەکی گشتی سەوزەواتەکان دەوڵەمەندن بە دژەئۆکسان، ڕیشاڵ، ڤیتامین و کانزاکن پارێزگاری لە تەندروستی دڵ و خوێنبەرەکان دەکەن.