پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لیژنەی دارایی پەرلەمان جەختی لەوە کردەوە پێویستە ژمارەکانی ناو بودجەی 2023 نوێبکرێنەوە و بەگوێرەی دوایین گۆرانکارییەکانی نرخی نەوت لە جیهاندا سەرلەنوێ دابڕێژرێنەوە.
لەوبارەیەوە جەمال کۆچەر ئەندامی لیژنەی دارایی پەرلەمانی عێراق ڕایگەیاند، “پێویستە سەرجەم ژمارە و نرخ و بڕە پارە دیاریکراوەکان لەناو بودجەی ساڵی 2023 چاویان پێدابخشێنرێتەوە و بەگوێرەی قۆناغی ئێستا و نرخی ئێستای نەوت دابڕێژرێنەوە”.
وتیشی، “لایەنی تایبەتمەند هەیە لە بواری نرخەکانی نەوت و دەتوانرێت لەڕێی ئەوانەوە نەخشەی بودجەی ساڵی داهاتوو دابڕێژرێت بەپشتبەستن بە پێشبینییەکانی پەیوەست بە گۆڕانکاری لە نرخەکانی نەوت”.
ئەوەش لەکاتێکدایە لەمساڵدا نرخەکانی نەوت بەشێوەیەکی بەرچاو بەرزبوونەوە بەتایبەتی لەدوای هەڵگیرسانی شەڕی ڕوسیا و ئۆکرانیا کە بووەهۆی ئەوەی زۆرێک لە وڵاتان بایکۆتی نەوتی ڕوسی بکەن و بەمەش بەهای نەوت لە جیهاندا بەردەوام ڕوو لە زیادبوون بوو.