ئەم خواردنانە پارێزگاری لە تەندروستی چاو دەکەن

پۆڵەتیک پرێس

بینین یەکێکە لە هەستەرەوە زۆر گرنگەکان لەڕێگەیەوە هەموو هونەر و جوانی سروشت دەخوێنرێتەوە، پارێزگاریکردن لە تەندروستی چاو و هەستەوەری بینین زۆر گرنگە، بەکارهێنانی چاویلکەی خۆری، خواردنی تەندروست، کۆنتڕۆڵکردنی کێش و دوورکەوتنەوە لە جگەرەکێشان بۆ پارێزگاریکردن لە تەندروستی چاو زۆر گرنگن.

هەندێک لە خواردن، خواردنەوە و بەهاراتەکان یارمەتی پارێزگاریکردن لە تەندروستی چاو دەدەن ئەوانیش:

-چای سەوز
دژەئۆکسانە بەهێزەکانی تێدایە سوودێکی زۆری بۆ تەندروستی چاو هەیە و لە تیشکی سەروبنەوشەیی دەیپارێزێت.

-توو
خێزانی توو بەهەموو جۆرەکانیەوە واتە توو، شاتوو، بلوبێری و تووتڕک ئەو ماددانەیان تێدایە کە سوودیان بۆ تەندروستی چاو هەیە و پارێزگاری لێدەکەن.

-زەردەچەوە
ماددەی کەرکەمینی تێدایە دژەئۆکسانێکی بەهێزە و ڕێگری لە دروستبوونی ئاوی سپی چاو دەکات.