ڤیڤۆ مۆبایلێکی نوێ دروستدەکات

پۆڵەتیک پرێس

کۆمپانیای ڤیڤۆ مۆبایلە نوێیەکەی بەمزوانە دەخاتە بەردەست کە بەهۆی تایبەتمەندیە پێشکەوتووەکەیەوە چاوەڕوان دەکرێت یەکێک بێت لە بەهێزترین ئامێرەکانی ئەندرۆید.

ڤیڤۆ ئێکس 90 پڕۆ پڵەس بەشێوەیەک دروستکراوە بەرگەی ئاو و پیسی دەگرێت، شاشەکەی لەجۆری ئەمۆلیدە بەقەبارەی 6.8 ئینج و دیقەی3200/1440 پێکسڵ و شەپۆلی 120 هێرتز، تێکڕای ڕووناکیەکەی 588 مۆمە.

چارەسەرکەری کوالکۆم سناپ دراگۆن ئەیت جین وەن و چارەسەرکەری وێنەی ئەدرینۆ730ی تێدابەکارهاتووە، ڕامەکەی هەشت گێگابایتە، میمۆریەکەی دوو جۆرە 128 یان 256 گێگابایتە، سێ کامێرای سەرەکی بەدیقەی(12+50+50) مێگاپێکسڵ هەیە، دیقەی کامێرا سێڵفیەکەی 32 مێگاپێکسڵە، دەرچەی بیستۆکەکەی 3.5 ملیمە، خێرایی پاترییەکەی 5000 میلی ئەمپێرە.