سوودە سەرسوڕهێنەرەکانی قەرنابیت

پۆڵەتیک پرێس

قەرنابیت یەکێکە لەو سەوزەواتانەی کالۆری کەمە و سەرچاوەیەکی سروشتی ڤیتامین، کانزا و ڕیشاڵە گرنگەکانە بۆ جەستە، سوودێکی زۆری بۆ تەندروستی هەیە.

قەرنابیت ڕێژەیەکی زۆر دژەئۆکسانەکانی تێدایە مەترسی توشبوون بە شێرپەنجە کەمدەکاتەوە، دەوڵەمەندبوونی بە ڤیتامین و کانزاکان بەتایبەتی ڤیتامین سی یارمەتی بەرهێزبوونی بەرگری جەستە دەدات و ئەگەری توشبوون بە نەخۆشیە ئەنفلۆنزاییەکان و سەرمابوون کەمدەکاتەوە.

دەوڵەمەندە بە ڕیشاڵەکان و کاربۆهیدرات و کالۆری کەمە هەستی تێربوون زیاددەکات بەمەش یارمەتی دابەزاندنی کێش دەدات، لەگەڵ ئەوەشدا قەرنابیت وەک بەشێک لە سەوزەواتەکان ئەگەر زۆری لێبخورێت لەوانەیە ببێتە هۆی دروستبوونی غازات و ئاوسانی سک.