بازاڕی داون تاون لە هەولێر ئاگری گرت

پۆڵەتیك پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لە بازاڕی داون تاونی هەولێر ئاگرێكی گەورە كەوتووەتەوە، تیمەكانی بەرگریی شارستانی بە مەبەستی كۆنترۆڵكردنی گەیشتوونەتە شوێنی رووداوەكە.

كەمێك پێش ئێستا ئاگر لە بازاڕی داون تاونی هەولێر كەوتەوە و تا ئێستا كۆنترۆڵ نەكراوە.

بەپێی زانیارییە سەرەتاییەكان چەند دوكانێكی بازاڕەكە سوتاون.

ئومێد خۆشناو، پارێزگاری هەولێر، لەكۆنگرەیەكی ڕۆژنامەوانیدا ڕایانگەیاند: شەش دوكان لەبازاری داون تاون هەولێر كە چەند كەسێك خاوەنداری دەكەن بەتەواوەتی كەلوپەكانیان سووتاوە، بەڵام هیچ زیانێكی گیانی نەبووە، تەنها زیانی ماددی بەر دوكانەكان كەوتووە.

پارێزگاری هەولێر باسی لەوەشكرد: كەمتەرخەمی لە خاوەن كۆمپانیاكە هەبوو، نەتوانراوە وەكو پێویست سیستەمی ئاگر كوژێنەوە دابنرێت، چونكە لەماوەكانی ڕابردوو سێ جار كۆمپانیاكە ئاگاداركراوەتە لە دانانی سیستەمی بەرگری شارستانی و بوونی ئاگر كوژێنەوە، بەڵام كەمتەرخەمیان كردووە، لێپرسینەوەی یاسایی لەگەڵ دەكرێت.